38歲朱晨麗（朱朱）喺今年6月自爆跟圈外對象互有好感，雖然二人暫時未拖手，但朱朱強調每次拍拖均以結婚為前提。朱朱戀情正處於萌芽階段，全心全意投入喺曖昧嘅甜蜜之中，連日喺社交平台大曬靚相，亦散發出少女感。
相中見身穿朱朱白色吊帶Lace花裙，大曬白滑美腿，發自內心展露甜美笑容，一臉含「花」待放，就知佢好滿意目前嘅感情狀況，連好姊妹陳煒早前受訪時，都催促朱朱同新歡快啲生B。
朱朱與陳煒自2019年合作拍TVB劇集《多功能老婆》而結下深厚嘅姊妹情誼，朱朱今年6月自爆與圈外人士互相有好感，彼此要了解清楚先，感情發展似乎一日千里，陳煒受訪時對於閨密係咪有結婚打算，佢支吾以對只係話見過朱朱嘅另一半，仲催促好姊妹「快啲生仔」。
朱朱的確曾講過自己喜歡小朋友，一直渴望生兒育女，朱朱多年嚟為養卵嚴格飲食控制，拒絕食生冷食物，擔心環境污染或引致荷爾蒙失調，希望日後能夠自然受孕呀！
