「熊尚善」滕麗名拍完TVB處境劇《愛·回家之開心速遞》，近日忙住拍新劇《模範律師團》與羅嘉良扮演夫婦，嚟緊又要去馬來西亞拍電影。阿滕早前忙裡偷閒約埋一班好友相聚，網民見「三元」為「小生」慶祝生日，旋即勾起經典劇《陀槍師姐》系列集體回憶！
myTV SUPER重溫《陀槍師姐》
阿滕與歐陽震華當年喺飾演《陀槍師姐》飾演兩叔姪，陳三元係侄女，陳小生係孻叔，兩人喺劇中感情深厚，劇外二人亦相當老友，阿滕呢日為歐陽震華與傅潔嫻（Rosanna）慶祝生日。
歐陽震華一向圈中人緣極佳，相中見梁思浩、江美儀、吳家樂等相交多年嘅好友齊聚，現場備有蛋糕與鮮花，壽星歐陽震華精神煥發，全程展露其招牌笑容，太太傅潔嫻亦甜蜜相伴。
梁思浩喺社交平台寫道：「最幸福嘅夫妻。Rossana&Bobby，一班相知相識30年嘅好朋友，一個無話不說，直言直語嘅開心派對，人間最幸福嘅事，一班真心真誠嘅好朋友，Happy birthday Rossana and Bobby，愛您們！」
