高海寧前晚喺《夫妻的博弈》當眾揭穿假閨密郭柏妍嘅「綠茶」真面目，拆穿其過往種種謊言，依然不知悔改，繼續厚住面皮扮無辜，將「綠茶」形象貫徹到底，唔少觀眾睇到咬牙切齒。
郭柏妍曾講過自己性格與角色反差太大，一開始難以融入，幸得監製、對手演員們悉心引導幫助其入戲，而拍攝期間，郭柏妍確係前輩們嘅團寵，獲得林漪娸及張頴康喺片場指導一啲演技小技巧，鏡頭前認真交足戲，演活集可愛與綠茶於一身嘅心機女，唔少網民紛紛留言，「發達囉，Madame Ceci親自教👍🏻」、「有呢啲前輩有耐心又肯真心教導，真係好好」、「唔好阻住Madam Ceci 收工，陣間要去tea」、「做得麻麻，因為太靚，點壞都嬲唔落」。
《夫妻的博弈》於翡翠台 星期一至五晚上 8:30PM 播出