冼靖峰新歌《由天台記載》拍攝MV，仲邀請MYNT嘅 盧映彤 擔任女主角，兩人於更台拍攝唔少友達以上嘅戲份情節，雖然當日天氣預報指會落雨，好在後都一直晴天，令MV順利完成。
Archie事後亦非常慶幸天氣良好，又提到新歌內容係佢同Skylar一直視天台為小天地，可惜友情緊密但係戀人未滿嘅故事，最後更因各有未來目標而各走各路。Archie仲指歌曲由一部電影啟發，而佢本人仲對天台有非常特別嘅情感，等歌曲宣傳就會同大家分享咁話。
Skylar於《魔音女團》時受過助教Archie指導，呢次再合作就因為當時嘅關係而決定喇。Skylar仲話今次拍攝感覺Archie非常親切，佢仲話希望以後有機會可以一齊合唱呀。
