韓國一個全新戀愛真人騷，邀請曾經歷重大疾病，或者被宣布生命進入倒數嘅年輕人，藉由共同生活、勇敢戀愛，帶出活在當下，喺有限嘅人生中勇敢追尋幸福嘅主旨。節目由李世榮、鄭容和、崔叡娜以及SEVENTEEN嘅成員DK擔任主持。
第一次主持節目嘅DK坦言心情緊張，佢話其他成員知道佢要做戀綜主持都好驚訝，但同時亦都不斷鼓勵佢，尤其係經常出演綜藝節目嘅成員勝寬，俾咗好多貼士佢，先令佢可以淡定啲。 四位主持喺節目中各有唔同風格，容和同Yena好多嘢講，世榮同DK就相對沉默，原來同MBTI好有關係。
容和話自己同Yana係E人，DK同世榮係I人，兩組人嘅性格截然不同，次次錄節目一組好嘈，一組就好安靜，佢都忍唔住感嘆MBTI真係好神奇。