農夫 10月會同 張繼聰 合體出演一個舞台綜藝騷，呢日佢哋齊齊著晒筆挺西裝出席宣傳，不過一睇佢哋背脊大大隻寫住人夫，就已經可以估到今次主題一定係夫妻之間相處嘅大小事，仲講明隨時表演完屋企都冇得返呀。
雖然表面鎮定，仲好穩陣咁話只係分享生活日常，仲話三把口一人講啲撈亂講，各位阿太就唔會咁易分到係咪講自己咁話喎。不過做訪問已經似乎想互相傷害，呢三位人夫都似乎自身難保，仲打算隱隱老婆幾時真正開騷避免出事呀。
今次劇名係由 黃子華 一錘定音，而出品人 古天樂 就放手俾佢哋三個天馬行空，不過就講明一定要令大家滿場歡笑，但係就指唔係人夫唔准上台做嘉賓喎。
阿聰又對好友 衛詩雅 早前拍劇受傷回應，希望佢早日康復，亦相信一眾醫護人員包括Michelle老公會盡全力保護佢靚樣，大家唔需要太過擔心呀。