由 五月天 阿信聯同前F4成員 周渝民 吳建豪 言承旭 組成嘅F FOREVER日前喺泰國舉行兩場演唱會，吸引大批歌迷捧場，呢次亦係三位前F4成員相隔多年再喺泰國開Show，所以佢地都好感觸。
一向感性嘅Jerry眼眶微紅語帶哽咽向泰國歌迷訴心聲，表示自己多年前曾喺泰國拍戲，當時覺得唔知有冇機會同舊戰友再到泰國開演唱會，估唔到而家可以夢想成真。佢仲形容阿信好似聖誕老人一樣，送咗一個好好而且份量好重嘅禮物俾大家。不過阿信就話，呢日嘅焦點唔喺佢身上，而係喺仔仔、Jerry、Vanness身上，最後四位共同表示，喺呢場Show之中嘅觀眾先係最大嘅焦點所在。
8月7號係Vanness嘅48歲生日，FF嘅三子喺尾場當日特別帶動全場大合唱，提前為Vanness唱生日歌，祝福Vanness未來每個生日都會有大家喺身邊。Vannees亦祝在場都係8月生日嘅粉絲生日快樂，每日都開心。
