衛詩雅 早前拍攝劇集期間意外受傷，事後被急送醫院治療，更需接受手術縫針並一度留醫，傷勢令唔少Fans相當擔心。事後Michelle老公周祉安醫生曾代老婆更新傷勢程況，而經過一段時間療養後，Michelle今日亦自己受傷後再更新社交平台。
Michelle喺社交平台公開新相，相中可見佢於車廂內舉起「V」字手勢，又提到傷口已經順利拆線。Michelle表示醫生指佢復原情況良好，令佢亦鬆一口氣。Michelle亦特別感謝主診醫生同醫護人員細心協助，同時特別多謝老公無微不至嘅照顧同時刻跟進自己情況。佢又話希望康復進度可以繼續順利，早日完全復原重投工作。
之後又再更新社交平台，原來已身處機場準備飛往北京出席頒獎禮競逐獎項喇。
