胡瓜公益演唱會邀巫啟賢助陣 樂於行善貢獻一己之力

由台灣綜藝大哥 胡瓜 發起嘅公益演唱會，中秋限定場請到 巫啟賢 同 孫協志 助陣，瓜哥同啟賢私底下交情好好，所以呢次瓜哥一開口，啟賢當然唔會推辭喇。巫啟賢諗返當年佢做新人時，上過瓜哥節目《鑽石舞台》要演四個短劇先可以唱半首歌，所以巫啟賢話非常珍惜。 

啟賢對慈善工作一向不遺餘力，早幾個月佢先參與另一個由 張清芳 發起嘅籌款音樂會，不過啟賢就講笑話自己重複捐款被詐騙呀。其實啟賢一向樂於行善，佢話自己從年輕開始為名為利在打拼，如今自己有「給予」嘅能力，就應該行使呢個力量，佢仲視呢個能力係一個恩典。