結婚十年嘅 熊黛林 同 郭可頌 生活美滿，兩人婚後仲育有一對雙胞胎囡囡Kaylor同Lyvia，近日阿Lynn就公開同囡囡一齊為老公慶祝生日嘅溫馨合照喇。
轉眼兩人今年10月就會慶祝錫婚，而早年Lynn就分享，曾指係自己主動出擊倒追郭可頌，指首次見面覺得對方為人唔錯，於是就出動攞電話，後來相處亦發現對方係注定嘅人，更指兩人三觀同靈魂都非常契合。
而婚後雖然喜懷雙胞胎，不過孕肚情況就非常嚴重，一直到孕期7、8個月，不過Lynny就指誕女兒後非常幸福。
雖然目前身為百億少奶，不過Lynn出身平凡嘅就曾透露，自己試過窮到袋中僅剩20蚊，後來把握好每次機會，最終升格成為名模。Lynn近年主力於內地發展，同時仲發展直播事業，不過一有空檔就會將時間重投家庭與家人度過。
