冼靖峰（Archie）近日推出全新單曲《由天台記載》，呢日佢無懼酷熱天氣，喺天台舉行fan meeting，見到一眾歌迷即捧場，Archie連唱多首歌曲答謝fans支持。
新歌MV首次邀請《魔音女團》成員、全新女團MYNT嘅盧映彤（Skylar）擔任女主角，演繹「朋友以上，戀人未滿」嘅天台純愛情緣，Archie讚Skylar表現專業，二人合作愉快，Skylar係訓練班出身，Archie今次喺Skylar身上學到一啲演技基本功，要留意現場set up環境，同埋對住鏡頭時要點樣即刻畀反應等，見識到演戲班出身係有啲唔同。
Archie忙完新歌宣傳，預告即將拍新劇，亦已開始為角色作準備，Archie對於演呢個新角色好期待，樣貌同身形都要配合角色呀！
