正拍攝《女神配對計劃2》嘅 何沛珈 同 郭佩文 呢日獲節目中嘅幾位女神 俞可程 陳若思 同 阮嘉敏 為佢哋慶祝，節目組送完蛋糕又齊齊唱生日歌，氣氛一流，而月初生日嘅Roxanne，早前已同家人Fans一齊開Party慶祝，佢就話當日非常多謝大家賞面，仲話希望同Juliana呢位8月壽星齊齊食生日飯咁話。
Juliana指自己健康同開心就夠，不過就話尚未收到禮物，求愛勇者就要識做先有機會喇。而Roxanne就話自己其中一份禮物，係朱古力豆上印有自己樣貌，誠意十足呀。
而早前 黃宗澤 於長沙被指同Juliana同場食飯，故事更發展出新緋聞，呢日佢就回應指當時只係工作完嘅一餐普通晚餐，仲大讚Bosco做東，當時其他人都在場，得知消息完全得啖笑呀。
