吳業坤同胡鴻鈞（Hubert）日前展開美加巡唱，獲當地觀眾熱情支持，二人唱唱吓歌，亦走落台跟觀眾互動，觀眾亦爭相影合照。
坤哥同Hubert自彈自唱劇集歌曲送畀觀眾，坤哥一時興起除衫騷肌，好兄弟Hubert幫坤哥攞外套，更俾工作人員拎走，坤哥尾隨狂追，場面非常搞笑。
胡鴻鈞於2017年拍TVB劇集《降魔的》飾演「石敢當」成功入屋並人氣急升，Hubert好開心有機會喺美加開騷，坤哥喺台上唔捨得走，仲爆觀眾影相口嗰陣狂嗌「石敢當」好靚仔，反而冇人理佢呀。
今次坤哥帶愛妻浜口愛子同行，順便喺當地玩吓，好友Hubert催促坤哥展開造人大計，坤哥就爆笑話瞓覺都冇得瞓，做咩都冇力啦！