顔米羔呢日著到官仔骨骨，為新歌《子虛烏有》拍MV，米羔今次收起狂野激昂嘅作風，罕有以情深款款演繹情歌。米羔話呢首新歌其實係資深大律師兼作曲家王正宇作曲，而當年哥哥張國榮首世紀金曲《為你鍾情》就正正出自對方手筆，所以米羔獲對方出山獻歌，直言覺得似中咗頭獎咁幸運。
米羔話有次睇電影首映，對方正正坐喺佢身旁，當時自己唔認識對方，但獲王正宇鼓勵，而身旁王太道出丈夫係負責《為你鍾情》作曲，頓時令米羔驚喜莫名。之後王生及王太欣賞佢嘅演唱會，仲表示為佢獻歌，促成今次機遇。
米羔呢次除咗用心演繹新歌之外，佢仲參與導演同剪接嘅工作，雖然要分心做咁多崗位，但係米羔亦兼顧得宜，佢解釋此舉係為咗慳製作成本。
