游嘉欣（游游）以前走慳妹路線，近年突然周身名牌，搭飛機坐商務艙周遊列國，游游被指「忽然富貴」惹嚟閒言閒語，游游近日喺劇集《夫妻的博奕》演百億豪門千金葉熙妍，與馬國明做兩兄妹，點知被網民質疑「個樣靚咗」，爆出整容傳聞，今日佢喺網上公開回應「整容史」！
myTV SUPER重溫逆襲老公小三奮戰故事
網民日前喺社交平台上載多張游游唔同階段嘅照片作對比，指游游容貌變化大，陷入「變臉」疑雲。游游喺帖文回覆整容傳聞，稱「個樣靚咗，但又睇唔出佢整咗咩位，係減肥成功定整咗容」，仲話大個咗冇曬baby fat，知道點樣打扮先適合自己。
游游叫網民放心，如果佢整咗容，一定同大家分享，「而家距離整容級美貌仲差一大段路」，自己只係做咗HIFU醫美療程，確實係有助改善包包面。游游今日喺上載影片回應歷時八年嘅「整容」史，澄清係其實係8年嘅努力史，由18歲入行嘅無知少女到，而家26歲成為咗一個初級大人。
片中見游游承認每一年都進化，話自己直角肩係花咗8年做運動打磨嘅成果，跟住游游回應網民講嘅「削骨」、傳做「微笑唇」手術，就話自己都唔知點證明好，又大力壓自己個鼻，以行動打破傳聞，嗌大家自行判斷，仲話之後要公開整容級化妝術畀大家參考添！
