長壽處境劇《愛．回家之開心速遞》雖然已經喺8月初大結局，不過劇完情未散！唔只一班觀眾對劇集依依不捨，仲投入到喺社交平台開設「角帳」扮演劇中角色，繼續為劇中人物進行二次創作，就連演員之間嘅感情都依然好好！
由陳榮峻、吳香倫飾演嘅傳統嚴厲父母「譚道德」及「譚何容儀」以及林凱恩飾演嘅「Bonnie」深受觀眾喜愛。而「譚氏一家」嘅感情由劇外延續到劇外，同屬8月壽星嘅三位更齊齊慶祝生日！
Iris喺社交平台分享同 陳榮峻 吳香倫 慶生嘅合照，三人一齊許願，而蛋糕更寫上「譚氏一家 幸福快樂」字樣。Iris仲寫道：「故事內容或許虛構，但所投入的親情卻真摯無比。感恩緣分，讓我擁有我們這一家。」仲話譚氏一家喺另一個時空繼續陪大家一齊談聖賢、談道德，文末更用標注「爸爸媽媽陪我長大」、「在世間遮風擋雨有一種愛」，非常溫馨。
