韓籍藝人 李多慧 喺台灣發展順利，除咗本業啦啦隊之外，多慧亦開始全方位發展，廣告代言之外亦參與綜藝節目同影視作品演出。呢日多慧擔任兒童疫苗大使，喺鏡頭前繼續展現甜美笑容，不過原來佢喉嚨發炎嚴重聲沙，講嘢非常吃力，但依然好認真回答記者問題，仲唔需要翻譯，全程用國語對答，真係好抵讚。
多慧嘅父母早前飛到台灣探望寶貝女，一家人把握時間周圍玩，但相聚嘅時候越開心，分別嘅一刻就會越傷心，多慧話送完父母返韓國之後，自己足足喊咗三日，媽咪睇新聞知道佢喊，兩母女講電話仲一齊爆喊。
27歲嘅多慧到台灣發展已經四年，之前有傳佢喺呢個球季結束之後就會告別啦啦隊身份，多慧否認傳聞，但就話自己確實希望喺30歲之前退役，因為覺得啦啦隊應該要青春可愛，超過30歲就好難可愛啦！
