尹景順 陳旭培 同 周志康 幾位《中年好聲音4》唱將，參與《我推的中4人氣見面會》，同歌迷一齊收睇《中聲4》，直接了解大家反應，不過尹景順同陳旭培就指反而有更大壓力咁話，尹景順仲指一向都唔太敢翻睇自己嘅演出，因為擔心表現唔夠好呀。
相對面對鏡頭同演出經驗豐富得多嘅阿康就非常輕鬆，因為可以知道大家即時反應，又提到妻女親自支持給予唔少鼓勵，仲指老婆非常在意上鏡夠唔夠靚，更借機大讚花式放閃。
參賽以來大家都收穫唔少Fans，呢日佢哋亦非常感謝大家支持，覺得追夢之餘有咁多支持得著非常開心。
《中年好聲音4》星期日晚 20:00 翡翠台