視帝陳豪近年工作持續忙碌，努力賺錢養家，今年暑假期間要密集開工，唔少網民喺香港街頭見到陳豪蹤影，見陳豪身穿西裝，喺高溫酷熱天氣下，趕工拍外景，同場仲有金牌監製文偉鴻（Jazz）指導，估計陳豪目前係拍緊其監製嘅TVB新劇。
今年8月香港天氣非常酷熱，多次打破高溫紀錄，唔少旅客相繼喺灣仔及中環街頭「野生捕獲」視帝陳豪拍外景，相中見陳豪喺烈日當空下，著整齊西裝拍攝打鬥戲同文戲。
有網民見陳豪走路有啲奇怪，唔知係咪劇情講陳豪隻腳受傷，於灣仔偶遇陳豪嘅網民就留言：「唔知道，這個戲確實有打戲，我跟他合影的時候，他的替身正在拍，有刀放在替身脖子。」
查實陳茵媺（Aimee）早前出席活動時，已爆陳豪暑假要留港忙開工拍劇，冇時間陪小朋友，太太亦悉心為三個仔女安排密麻麻嘅興趣班，讓陳豪可以毫無後顧之憂咁全力吸金養家呀！
