陳柏宇撇甩囡囡日本大解放 預告每兩個月出一首新歌

剛剛喺上個月完成咗三場紅館演唱會嘅 陳柏宇，呢日聯同 陳凱詠 舉行迷你音樂會，吸引大批歌迷到場支持。

堅持生活同工作取得平衡嘅Jason，趁完成演唱會後，火速去咗兩個旅行，泰國之行就係同家人，而日本之旅就係同朋友，Jason話日本之旅係最解放最早瞓嘅，因為唔使照顧小朋友，想幾點瞓都可以。

暑假就快結束，Jason除咗要重投湊女返學嘅生活外，佢亦有照顧歌迷，指一直都有錄緊音，仲話每隔兩至三個月都應該會有新歌面世呀。