楊千嬅廣州站巡唱熱到趴地 綵排時遇大雨台底都水浸

楊千嬅 世界巡迴演唱會廣州站圓滿落幕，今次重臨廣州開唱，千嬅就特別調整咗歌單，同時獻唱多首經典歌曲。由於開騷時天氣熱到爆，所以當唱到《飛女正傳》時，千嬅都忍唔住嗌攰，要坐喺台上小休，全場十萬觀眾見狀，即時大合唱以作鼓勵。

演唱會上千嬅指自己嗎成長過程中有好多唔同嘅故事，當中經歷係可以拍100集《愛回家》同上4次《東張西望》，雖然好蝦碌，但佢覺得呢啲經歷相當珍貴。
今次演出雖然相當圓滿，但原來開騷前綵排時一度落大雨，但為咗演出千嬅同團隊就無懼風雨冒雨綵排，淋到成身濕透，不過因為雨太大，有好多機關都開唔到，加上大雨到台底水浸，為咗安全，團隊最後都冇排練到尾。