提起愛女小小林即冧笑 林依晨預告將復出拍兩劇一電影

林依晨自從生咗愛女小小林之後，佢話同愛女個樣保護有加，不過之前佢喺社交平台分享舞台劇閱後感時，就意外令小小林個正面樣曝光，雖然張相就矇咗小小林個樣，但係fans都大讚佢好可愛。

呢日林依晨出席活動時，被問到有人指小小林個樣同佢好似餅印咁，林依晨即刻甜笑反問：「應該不太明顯吧？」仲話囡囡係濃眉大眼，但問到幾時公開小小林個樣？依晨就婉拒話想囡囡可以保留返自己嘅隱私。

講到復出大計，依晨就透露已經有兩劇一電影等緊自己，仲話三個角色都係好唔同，所以今年嘅下半年到明年上半年，對佢嚟講都係個好大嘅挑戰。至於講到唔少好友都入圍金鐘獎，依晨就話真係太多好朋友，所以佢希望大家都可以得獎，因為金鐘獎曾經有幾次兩人同時得獎嘅歷史。