On仔拍MV瘦身戒甜 預告10月演出舞台劇感壓力

組合C AllStar成員陳健安（On仔）呢日出席活動，見到一班好耐冇見嘅歌迷，佢興奮地講：「好開心，有禮物送畀佢哋，有朱古力。」On仔自言超級喜歡食甜嘢，不過拍嘢嗰陣要克制一下，佢笑言每次拍完必定狂食朱古力。如果要拍嘢，我就守紀律，忍一忍口，嗰排就唔食住。」

On仔早前為拍MV瘦身戒甜，笑稱偶爾放鬆唞吓，唔可以365日操fit，佢出席完活動當日即趕去會展，會合C AllStar隊友及Dear Jane成員展開一連兩場音樂會，講到兩隊嘅音樂風格各有不同，佢哋事前收集咗歌迷意見，On仔完騷後工作亦接踵而來，佢剛做完第二首新歌，10月中將演出舞台劇《解憂雜貨店》，坦言大感壓力，11月跟另一隊band叫The Hertz有個騷，On仔稱嚟緊呢幾個月會好忙。