下個月開騷嘅草蜢，近日正積極操練以應付演唱會嘅演出，即使早前接拍廣告，佢哋3個都係寓拍攝於操練。喺廣告入面又平地跑、又要喺跑步機上面跑，不過平日佢哋訓練有素，當然可以輕鬆完成任務，蔡一智仲講笑話平日佢哋要跑成10公哩，所以今次喺廣告入面跑少咗喇！而除咗跑步外，廣告入面仲加入好多跳躍動作，貪靚嘅佢哋仲互相提點跳嘅時間要做好表情管理。
講到要喺疫情下舉行演唱會，草蜢3子話除咗鍛練體能外，亦都要加強免疫力，咗先可以保障自己、團隊同觀眾，當中蔡一傑就話平日自己好注重腸道健康，所以有時會食益生菌，蘇志威就話自己會小心飲食同多做運動嚟保持最佳狀況，而蔡一智就話除咗運動次外，佢仲請咗私人教練同佢又行山游水，以確保演出時夠氣同觀眾玩返夠本！