休息咗8年照顧小朋友嘅陳茵媺早前正式復出，同老公陳豪合作夫妻檔上陣，日前Aimee仲喺網上公開自己一個剷青髮型，令唔少網友都驚嘆佢嘅型格一面，亦對佢嘅角色更為好奇呀。而呢日阿Mo出現，就話Aimee嘅形象唔止一個髮型咁簡單，成個形象仲未完全曝光呀。
佢又話太太嘅角色喺劇集播出時大家就會知分曉，仲話以呢個角色作為復出之作肯定會令大家耳目一新咁話。不過講到囡囡Camilla如果都想剪媽咪嘅髮型佢會唔會同意，阿Mo就話孻女最近要求佢幫手剪齊蔭髮型，不過阿Mo就驚自己手勢唔好唔敢落手喇。
早前Camilla因為確診而令佢同Aimme都非常擔心，仲要停工照顧佢，阿Mo呢日就話囡囡康復神速，3日就已經冇事，所以Aimee已經復工，而佢本人就先負責照顧小朋友喇。