2019年同曾國祥結婚嘅王敏奕，早前突然無厘頭傳出同曾國祥離婚嘅消息，又話洗紋身又話刪合照。事後佢哋出面澄清證實並無其事，7月嘅金像獎頒獎禮亦手拖手現身，傳言自然煙消雲散喇。
Venus下個月就會同朱敏翰合作拍攝以AI人功智能為題材嘅新劇《虛擬情人》，不過新劇未開，佢就實行好好充電喇。曾國祥近年都長駐外地拍攝唔同作品，而老婆Venus近日喺社交平台就先後多次出Post，見佢身處外地唔知係咪趁休息飛去陪老公呢？佢仲以少布到不得了嘅Bra Top現身出海撐艇仔，追趕夏天的尾巴之餘，亦好好充電為新工作準備。
政府宣佈即將實行「0+3」防疫措施，唔知大家又有冇考慮好似Venus咁諗定去邊到好好放鬆吓呢？
(Instagram圖片)