由中大翻譯學榮休講座教授金聖華撰寫嘅新作《談心—與林青霞一起走過的十八年》，今年5月出版，書中細述佢同大美人林青霞相識18年嚟嘅友誼，而中大善衡書院日前就舉辨講座，金聖華教授同多年好友青霞一現現身同大家分享，吸引咗逾400人出席。
當日佢哋分享寫作心路歷程和相識緣份，金教授以細膩筆觸記敘同青霞相知相惜嘅情誼，勉勵讀者喺人生路上要鍥而不捨，自強不息。散文集出版之後，今次係金教授同青霞首次同讀者直接見面，又暢談佢哋如何相識相交，生活點滴同成書過程。
而一個小型展覽亦喺當日開幕，展示咗呢對老朋友之間嘅親筆書信、手稿、書籍、畫作、攝影作品同合照等，讀者喺《談心》書頁外可以透過展品，走進佢哋嘅內心世界。
展覽歡迎公眾人士到場參觀，詳情如下﹕
展期： 2022年9月24日至12月31日
地點：香港中文大學善衡書院陳震夏館一樓
開放時間：星期一至五早上7時30分至晚上9時30分
星期六、日及公眾假期休館