[獨家]錢嘉樂教藝訓班碌爆卡 邀荷里活武指谷軒昭教學員
早前已經同大家一齊睇過，正接受訓練嘅藝訓班學員有好多唔同星級導師同佢哋分享經驗，而呢日就有錢嘉樂現身喇，嘉樂仲帶埋佢錢家班嘅大班成員同學員分享動作戲嘅概念同基本動作，不過咁都唔止呀，佢仲碌埋自己嘅人情卡邀請咗荷里活動作指導谷軒昭同大家分享呀。
香港嘅動作電影蜚聲國際，學員除咗學習演出同感情投放之外，動作武打當然都係必修科啦。而嘉樂繼上次《不可能任務》嘅林迪安之後，今次邀請同樣有豐富經驗嘅谷軒昭同大家分享佢多年嘅動作戲拍攝心得同經驗喇。
今屆藝訓班已經去到尾聲，經過密集訓練之後一班學員即將就會結業喇，呢日佢哋上完堂之外，仲獲嘉樂同谷老師鼓勵佢哋繼續加油呀。嘉樂就話武術動作電影係電影不可或缺嘅元素，所以希望新學員可以繼續將香港作品發揚光大喇。
#2022年TVB藝員訓練班 #藝訓班 #錢嘉樂 #谷軒昭 #錢家班