金馬獎公佈今屆入圍名單 香港電影入圍者眾

第59屆台灣金馬獎公佈咗入圍名單，唔少香港優秀作品同電影人都入圍競逐今年嘅唔同獎項，早前喺香港電影金像獎連奪幾個獎嘅《智齒》，亦都獲大會14項提名，仲成為今屆嘅提名之冠。

而近年專注電影演出嘅張繼聰亦憑喺《窄路微塵》嘅演出，同女主角袁澧林雙雙入圍爭影帝影后，首次入圍嘅阿聰仲會同黃秋生、林家棟一齊爭奪影帝寶座呀。至於喺《緣路山旮旯》演出備受讚賞嘅余香凝，亦都首次入圍最佳女配角。

另外柯震東首次執導嘅作品《黑的教育》就獲包括最佳新導演在內嘅4項提名，而歌手出身嘅周興哲拍戲同樣有唔同成績，佢喺《我吃了那男孩一整年的早餐》演出就被提名最佳新演員喇。