彭秀慧透露已處理好母親後事 戥余香凝能開拓國際市場而高興

正在使用小窗口模式播放

彭秀慧透露已處理好母親後事 戥余香凝能開拓國際市場而高興

加載中...

彭秀慧媽媽上月突然離世,雖然經歷喪母之痛,但係彭導當日處理好一切後,仍然忍痛堅持完成餘下嘅工作,令網民大讚專業。
呢日彭秀慧現身一個慈善活動,提到媽媽嘅後事,佢就話已經處理得七七八八。回想當日媽媽離開情況,彭秀慧透露因為媽媽離世前並無大病痛,只係如常喺屋企,所以對於媽媽嘅離開對佢嚟講係相當突然,不過佢話明白生老病死係人生必經嘅事情,所以只好學識勇敢咁去面對。


向來對新一代演員提攜有加嘅彭秀慧,提到余香凝有份主演嘅電影衝出香港,佢哋嘅電影團隊仲可以去到韓國交流開拓市場,彭秀慧就話好戥對方開心,仲話新一代演員可以畀國際認識係一件好重要嘅事,問到近件專注做導演嘅佢,有冇心郁郁想做返演出?彭秀慧就話自己好願意成為演員,但一切都要睇緣份。

 相關推薦