最近正喺內地參加綜藝節目《披荊斬棘2》嘅杜德偉，雖然一直忙過不停，不過星期日就同太太Ice專程由長沙飛返香港，為兒子AJ驚喜慶祝六歲生日喇。
原定因為工作未能返港嘅Alex，一早將AJ生日呢個重任交予家人代為安排，點知日前工作檔期突破有調動，佢同太太就即時訂機票返港，打算為AJ送上驚喜。呢對廿四孝父母一抵港就直接返屋企，仲趕及為AJ唱生日歌嘅時刻，仲喺AJ許願時潛入家人之中，當時AJ專心許願，當家人問佢最想掛住邊個時，佢仲守口如瓶話：「我唔話俾你知！」
當AJ吹蠟燭後，發現有人從後虔上親吻，唔耐煩嘅佢想還擊時，眼前竟然係父母突然出現，大為驚喜嘅佢即刻開心擁抱，又一家人齊齊切蛋糕，AJ開心之餘仲趁機撒嬌，樹獺上身一樣爬上Alex身上，仲讚Daddy比之前更加大隻呀。
Alex雖然身在外地，不過心裡最掛住就係留喺香港嘅寶貝仔，今次回港雖然行色匆匆，不過Alex依然非常感恩，佢造：「總算冇錯過六歲生日，一家人齊齊整整的為他慶生，好開心。」而杜太Ice亦都話：「將來等AJ長大，睇返呢條片，就知道我哋非常愛錫佢，老遠都搭飛機趕返香港，為佢慶祝生日。」