黃子華歸隊謝票 談及難忘戲份一度哽咽

黃子華歸隊謝票 談及難忘戲份一度哽咽

王菀之舉辦藝術展分享影像創作 預告大馬巡演將帶父母同行

王菀之醉心音樂之外,亦對藝術充滿住濃厚嘅興趣,呢日佢現身一間銀行同佢聯手舉辦嘅「沉浸式藝術體驗」活動開幕禮,一向好鐘意行美術館同埋展覽嘅Ivana,就分享咗呢次創作影像作品《夢の記憶》嘅過程,等大家走進Ivana嘅內心世界:「呢個作品係將我好多個旅行,好多個地方嘅旅行片段剪輯而成。」Ivana話每日都要用八至十個鐘去做,仲要用咗幾個星期先完成今次嘅作品,雖然要忙演唱會,又要忙藝術展,但自己就樂在其中。

今次嘅作品,Ivana幾乎係一人包攬晒,絕對係一次大膽嘅嘗試,佢話創作除咗喺平時生活中尋找靈感之外,佢亦好鐘意同老公一齊遊世界欣賞當地嘅藝術,而嚟緊Ivana又有出走計劃,事關佢好快就要去到馬來西亞舉行音樂會,仲會帶埋父母同行,Ivana仲同大家分享用里數換機票嘅心得。

工作排山倒海嘅Ivana,依家忙緊巡迴音樂會,佢話完成巡演後,仲有好多工作等緊佢,佢預告下半年喺香港會有一個音樂會,都會以沉浸式體驗為主,至於靈感來源,Ivana就希望可以通過旅行有所啟發。

 相關推薦

熱門搜尋