林正峰稱經一事長一智 唔敢再單獨約人食飯

林正峰早前被指背緋聞游嘉欣飯聚劉溫馨兼慶祝佢28歲生日，之後女方接受訪問否認與林正峰拍拖一事，而隨劉溫馨否認後，林正峰亦喺凌晨出post指「世途險惡」，但無幾耐就delete咗何post。

呢日林正峰出席《香港小姐再競選》記者會時，自然被追問「世途險惡」一事，佢同黃庭鋒一齊接受訪問，佢坦白表示「世途險惡」呢四個字，喺自己情緒比較激動同負面嘅時候打出嚟，所以後來冷靜落嚟佢就delete咗佢，又話冇諗過簡單食餐飯會變成咁樣，自己經過今次事件之後經一事長一智。林正峰又話當日冇留意有冇人偷影，佢又話作為公眾人物有人影相都唔會覺得有問題。

同劉溫馨嘅緋聞出街後，林正峰都有列出4點澄清，又話令「好兄弟」游嘉欣被受牽連而大感抱歉，林正峰話經過呢件事之後驚咗，唔會再單獨約人食飯，就算約都係約返一大班人，又或者約真・兄弟食就算。