韓國影壇盛事《第27屆釜山國際電影節》於10月5號至14號舉行，梁朝偉獲頒「亞洲電影人獎」後，呢日出席分享會及打手印活動，吸引大堆影迷到場圍觀，偉仔一出場已迷倒一眾影迷，尖叫聲不絕，偉仔擁有一雙電眼，連在場男主持都被迷倒，不敢與偉仔長時間對望，偉仔覺得自己不善言辭，眼睛係表現心裡嘅感覺。

偉仔從影以來跟不少導演合作，拍過多齣經典作品，佢覺得自己係一位好幸福嘅演員，有機會同出色團隊共事，覺得喺唔同經驗裡面學到好多嘢，偉仔稱跟李安導演合作得到啟發：「佢令我知道點去塑造一個角色嘅方法，提供咗好多參與資料畀我，拍《色‧戒》嗰陣，我睇咗好多一九四幾年關於當時歷史嘅書，亦介紹我去博物館睇一啲畫，佢話你可以想像呢幅畫就係你嘅角色，又畀咗好多音樂佢聽，教我用身體語言去表達嗰個角色，所以我覺得係咁多位導演成就咗我嘅今日。」

偉仔覺得同王家衛導演合作，最難忘係拍攝《東邪西毒》，佢回想廿年前有一場喺非常偏僻嘅沙漠開工，那邊冇酒店提供，演員住喺用木搭建出嚟嘅民宿，偉仔笑指呢次係佢拍攝多年最難頂：「王家衛唔係日日拍你，你喺呢個環境真係唔知做咩好，剩係得個沙漠。」

偉仔拍戲多年與不少影圈朋友演出，佢大讚張曼玉同張國榮係專業演員，特別係張曼玉當年佢哋喺電視台開始合作，偉仔跟湯唯拍戲時，導演安排佢哋二人喺冇開工前三個月，就開始成日見面，每日一齊學打麻雀、又學跳舞，又一齊去博物館睇畫，用咗好多時間一齊培養喺角色之間嘅感情，偉仔笑稱好少睇自己嘅作品：「其實我好怕睇自己嘅電影，我成日覺得自己下次可以做得更好。」

星期六晚播出嘅一集《馬時亨 香港情》主題係「音樂情懷」，除咗邀請縱橫樂壇半世紀嘅 譚詠麟 擔任嘉賓，還加埋有「民歌王子」之稱嘅 區瑞強 擔任客席主持。被稱為樂壇校長嘅阿倫，節目中勸勉後輩「千祈唔好怕蝕底，能夠喺台度亮一亮相都係好」，隨即被Albert大爆當年 紅透半邊天嘅校長，連《香港早晨》錄影都唔放過，Albert話：「之前許冠傑係好難訪問到佢，佢直頭唔上電視。但校長啱啱調轉，咩節目都去，下午茶又去，最離譜係《香港早晨》！」

區瑞強爆譚校長當年為爭取宣傳，任何機會都會答應

校長笑稱：「好記得要(清晨)四點幾入去化妝準備。」仲話只要亮相節目可以幫到幕後人員，都樂意抽空配合，Albert亦大讚校長： 「所謂形象唔係報紙講點點點就係，係要真實人哋親身經歷過，先會覺得：『你真係ok喎』。」

校長又憶述當年同好友張國榮出席「東京音樂節」時，因撞衫引發笑話，自己因而情急智生「爆肚」化解危機，校長話：「我哋一到埗有個記招，咁我同Leslie一出𨋢，我哋成件粉紅色嘅外套係一模一樣，衫褲又同一Set顏色， 我哋自己都係咁喺度笑。但當時有記者嘛，我就即刻攬住Leslie話『We are Hong Kong team』。」

見慣大場面嘅校長，又提到1994年嘅「大球場細細聲演唱會」風波：「之前有啲外國歌手嚟演出已經引發好多投訴，所以我場演唱會係備受矚目，臨演出前嗰個禮拜不斷有消息話『唔畀唱、唔畀開』。嗰時我每日出街，都係要面對超過三百個中外記者，係國際新聞嚟。」校長續指為解決噪音問題，當年專誠添置了價值近二千萬的器材，但仍為現場很多樂迷大部分時間 基本上聽不到任何音樂感到歉意，校長謂：「嗰三晚觀眾係坐滿，佢哋完全冇投訴，仲要自得其樂咁喺度買嘢食、買嘢飲，我真係好感動。」