近日舉行嘅釜山電影節活動一浪接一浪，除咗大班韓流巨星先後現身之外，我哋熟悉嘅梁朝偉亦都現身當地領獎。而呢日嘅Asia Star Award 2022一樣星光熠熠非常熱鬧，其中首次喺電影《孩子轉運站》扮演媽媽嘅IU，更同《韓山島海戰》嘅卞約漢分別得到男女年度明星獎。
而電影節嘅「亞洲內容大獎」，梁詠琪就以露肩長裙現身，同丁海寅、任時元、朴恩斌等齊齊踏上紅地毯。其中以大熱韓劇《非常律師禹英禑》備受讚賞嘅朴恩斌，仲打敗勁敵米倉涼子成為最佳女主角，佢仲非常感激幕後團隊同觀眾嘅喜愛呀。
內地女星范冰冰亦獲大會頒發人氣明星獎，雖然因為疫情原因未有親身領獎，不過佢亦已影片形式感謝大會呀。