黃子華、鄧麗欣（Stephy）、張繼聰、王菀之(lvana）、林明禎及陳湛文主演電影《飯戲攻心》，票房成績驕人，成為香港史上港產片喜劇票房第一位，累積票房達$6,280萬，更成為香港史上港產片票房第三位。為回饋觀眾支持，導演宣佈加推長達6分鐘超級彩蛋，本周六10月15號起在片尾播放，同時各演員迎接7000萬票房許下承諾！

《飯戲攻心》搶佔港片歷史票房第3位。

導演陳詠燊宣佈推6分鐘加長版超級彩蛋。

眾演員四出謝票，早前導演陳詠燊預告同張繼聰、Ivana、陳湛文及林明禎開Live傾偈，不過「二佬」阿聰不幸確診，要多休息冇得開直播，更要忍痛煞停個唱。「大佬」黃子華喺FB講明二佬有事，由大佬頂上，仲話有重大消息宣佈；有網民笑言係唔係播佢同「二嫂」Stephy嘅紅色 USB完整版，另有網民稱「大佬頂咗個演唱會佢」、「做隻普通的馬仔」、「係唔係拍續集」，搞到網民好心急想知子華神有咩宣佈！

黃子華、王菀之、陳湛文、林明禎開live答謝，許下7000萬票房承諾。

噚晚舉行Facebook Live答謝大會，喺戲中乜都頂到嘅大佬黃子華義不容辭，頂替二佬出席，子華笑言：「我唔識唱歌，如果唔係頂埋麥花臣個騷。」眾人對《飯戲攻心》現在票房成績皆異口同聲表示感恩，感覺充滿夢幻感覺，導演陳詠燊說：「我入行廿幾年，見到這個數字真的眼濕濕好開心。」

子華神對數字睇唔透，笑言感覺頗虛，但承諾達到7000萬票房，會娓娓道出如何由票房毒藥轉變為現在票房大賣嘅心情，子華神說：「香港票房毒藥出名有兩位，一位係發哥，另一個係我，票房達7000萬嗰陣，我會話畀大家聽過程嘅心情。」Ivana表示若到達7000萬票房，佢會為電影創作新歌，明禎將唱Ivana電影主題曲《狠愛狠愛你》，湛文建議明禎著綾波麗衫唱歌，笑言會安排女兒穿泳裝。多位演員表示想再入場看《飯戲》，子華表示入場睇咗 3 次仍覺唔夠，觀看次數比自己出錢拍嘅電影仲多。

大佬黃子華又提到佢同Stephy喺戲裡播嗰段床上戲，拍攝過程真係由佢親自拎手機自拍完成，當時導演掉低手機便「清場」，只有子華神、Stephy同美指張蚊喺房裡面，原來佢哋拍咗幾個版本，導演最尾揀咗「唔心臟病發嘅版本」，導演陳詠燊即宣佈喺10月15號上映電影加長版，有6分鐘從未曝光嘅絕密片段，全部放喺片尾做彩蛋，佢透露有4場戲都係由佢親自剪接，6位主要演員均有戲，包括有一張劇照場景，講6位演員坐喺梳化齊齊整整睇電視，呢場戲亦曝光！

子華神對數字看不透，笑言感覺頗虛，更道出由票房毒藥轉變為現在票房大賣的心情。子華表示入場看了 3 次仍覺不夠，觀看次數比自己出錢拍的電影還要多。

王鎮泉 Jeoffrey 每星期為你提供最熱辣電影資訊，中外猛片專訪花絮上映時間全部集齊。「電影泉攻略」每周四買定爆谷陪你睇新戲。

雖然泉叔去咗新加坡，但佢仍然為大家搜羅各大電影消息！DC今年嘅大作《閃電俠》雖然仲未上映，但係已經大獲好評，喺最新釋出嘅幕後花絮入面，閃電俠仲穿越時空去咗個正義聯盟唔存在嘅世界，搵蝙蝠俠出山，當中最震撼嘅莫過於入面搵返1989年版本嘅Michael Keaton嚟演，Michael見到蝙蝠俠個場景，感動到忍唔住影低send畀當時嘅導演添布頓。

呢個星期嘅新片速遞有《蜘蛛俠：飛躍蜘蛛宇宙》，講述蜘蛛仔畀神秘力量帶入充滿各式各樣超級英雄嘅多元宇宙，蜘蛛仔仲被逼同佢哋展開大對決。《凶門惡煞》高中女生經歷喪母之痛，同身為心理治療師嘅爸爸終日喺悲傷中渡過，但某天治療師嘅病人闖入屋兼離奇慘死家中，從此充恐怖事不斷。《配樂大師：ENNIO》訪問一代電影配樂傳奇摩利哥尼，講佢傳奇嘅一生。《犯罪都市：鐵拳掃毒》馬東石飾演嘅「怪物刑警」為追捕新型毒品罪，展開韓國最大跨國毒網掃蕩行動，以拳頭當子彈嘅佢，誓死要將毒販一嘢KO。

同大家率先睇完《變形金剛：狂獸崛起》嘅幕後花絮後，再同大家睇埋本周票房龍虎榜，第三位係《銀河守護隊3》、第二位係《小魚仙》、第一位就係《狂野時速10》。