StarTalk| 倫永亮逢三進一再開騷 樂壇傳奇新晉後起各有所長

事隔3年，倫永亮將會喺戲曲中心再次舉辦音樂會，雖然準備時間唔算非常充足，不過Anthony就已經為當中會表演嘅歌曲全部改頭換面，希望入場嘅知音人有全新體驗喇。

辛苦編曲只係為新鮮感，日夜同電腦搏鬥，仲被佢形容為整個音樂會當中最唔享受嘅過程，不過積少成多之下，其實多少佢都樂在其中。

除咗每日為編曲頭痛，Anthony又非常自律每日都做唔同活動，務求保持最佳狀態同體能，仲話近年迷上嘅乒乓波令自己非常享受呀。

音樂會主題似問非問，Anthony認為當中有對自己嘅認同，從事音樂行業多年，亦對自己嘅人生帶嚟好多唔同嘅改變。

多年嚟同好多唔同嘅歌手合作無間，同梅姐、林憶蓮仲有葉德嫻嘅合作令佢獲益良多，仲每一次都全力以赴盡力創作最好嘅作品。更加成為佢生命中最後嘅老友。

近年樂壇新晉湧現，Anthony亦對好多後輩讚不絕口，更多Anthony對自己表演嘅準備，仲有對歷來歌手嘅變遷睇法，就要留意呢集 許文軒主持嘅《StarTalk》喇。