噚日係天王郭富城57歲正日生日，凌晨喺社交平台貼出溫馨全家福，跟老婆方媛 (Moka) 、大女Chantelle、細女Charlotte及親朋好友一齊慶祝，佢留言感謝大家對佢嘅祝福，也祝願大家身體健康、事事順心、快快樂樂。

天王郭富城、老婆Moka及兩個寶貝女一家四口全家福。

會場佈置以金色、藍色及銀色氣球裝飾為主，有「AARON HAPPY BIRTHDAY」字樣嘅氣球，而前面擺有三個生日蛋糕，後面擺咗唔少親友送畀城城嘅生日禮物，郭富城對住蛋糕誠心合十許願。

郭富城合上眼誠心許願，現場還有束鮮花及多份生日禮物。郭富城戴上眼鏡個樣明顯後生咗，彷彿回春20年，有型又靚仔。

由 郭富城 同 林家棟 主演嘅新片《斷網》近日已經公映，事後聲明會現身唔同場次向觀眾謝票嘅城城呢日就同埋家棟仲有其他演員一齊現身戲院向觀眾謝票喇。電影雖然以網絡犯罪為主題，不過城城當中亦都有唔少動作場面，佢仲話不論文戲同打鬥場面都一樣唔簡單呀。

其中一場佢同家棟要喺劏房嘅床下底打鬥，就令佢哋印象最深刻喇，仲話係多年來特別痛苦嘅經驗呀。城城同家棟分別都因為拍攝動作場面受傷，呢次仲要帶傷上陣，難怪佢哋都話呢部新片係考牌之作喇。

早前因為閨蜜遇害而心情低落嘅 方媛 呢日亦都有現身戲院支持老公新作，事後仲喺社交平台公開出Post支持，睇嚟心情已略為平復。而同時準備新世界巡迴嘅城城好快就要出發，呢日佢就提到今次全新演出，可能會安排舉家出埠散心呀。