黃翠如生日貼泳照派福利 好友鼓勵留倩影記錄變化

黃翠如生日貼泳照派福利 好友鼓勵留倩影記錄變化

黃翠如踏入41歲生日,不少圈中好友同佢慶祝生日,老公蕭正楠更提早做完嘢趕返港陪翠如,相當甜蜜,呢日翠如出席活動,佢指呢日同朋友親親大自然,感覺幾好,反而生日禮物唔太緊要,最重要係自己同家人身體健康。

翠如透露生日前一日跟老公蕭正楠郊遊,第二日同好姊妹連詩雅同陳自瑤行山,第三日又係出海,翠如講到生日post泳衣性感相派福利,原來係馬來西亞一位好友幫佢影,翠如稱自己本身唔太鍾意影相,但朋友不時鼓勵佢留倩影,提醒翠如記錄成長變化,每次去旅行都幫翠如影相。

蕭正楠46歲生日開工到夜深 翠如守家門捧蛋糕送驚喜

3月23號係 蕭正楠 嘅46歲生日,不過要開工嘅Edwin直到凌晨先返到屋企,而太太 黃翠如 其實一早就準備好蛋糕為深愛嘅另一半送上驚喜,仲由未夠12點就準備好一切,一直苦等到成點半鐘愛郎先現身。

由翠如上載社交平台嘅短片見到,佢由11點幾就已經開始拆蛋糕準備,不過就一直等到點半Edwin都未返到,期間仲一個人守住門口,以求老公一返到屋企就為對方慶祝,非常用心。而Edwin揸車返到屋企,未泊好車就已經開窗甜笑,之後又齊齊唱生日歌,兩公婆齊齊迎接簡單又豐盛愛意滿滿嘅生日。

其中最特別嘅,仲係翠如提到於奶奶屋企發現一張Edwin嘅幼稚園生日相,佢仲以超高P圖技巧將兩人修改為於同一生日會出現,又寫道:在你媽媽家找到了這一張相片,這天是這個小男孩的生日,看起來有點寂寞,我用了畢生功力,找來了一個女孩陪你過,直覺告訴我,你將來會娶她」,真係甜到漏呀。

 相關推薦

熱門搜尋