內地音樂選秀節目《中國好聲音2022》噚晚播出總決賽，李克勤冧莊「冠軍導師」，成為唯一一位連續兩屆奪得冠軍導師嘅男導師。
昨日播出的《中國好聲音巔峰之夜》，最終由克勤帶令的學員梁玉莹奪得總冠軍，克勤成為冠軍導師克勤安慰表示：「我嘅戰隊真係好完美，攻守兼備。」勝出比賽後，克勤笑說：「第一年攞我覺得係運氣，第二年攞就係運氣加敬老。」克勤表示要多謝團隊，又乘機多謝太太盧淑儀，克勤笑言：「形象顧問就係我屋企嗰個形象顧問，即係我太太，佢都好開心，大家都睇得好投入。佢8月過咗嚟『好聲音』，其實學員着嘅衫或者所有嘢，佢都有負責幫手搞形象，大家好投入咁去做呢件事。」
克勤坦言從來冇當自己係導師身份，跟學員亦師亦友，凝聚戰隊團魂，一齊享受音樂，成日一齊食飯，從而建立起友情，呢次參加「好聲音」期間，克勤有跟上一年嘅學員聯繫彼此關係不錯。
克勤自言係相信「老嚟」嘅人，去年贏得冠軍嘅戰衣，佢喺今年總決賽特意再著同一品牌嘅西裝出場，舊年伍珂玥唱《飄雪》，今年學員都係唱《飄雪》，但舊年係唱陳慧嫻粵語版《飄雪》，今年係唱國語版；最後嘅《祝君好》，佢哋想保留一首粵語嘅歌，擺喺最後，總決賽完結後，克勤跟學員齊齊回到飯店開香檳慶祝。
