《PD2》參賽者梨泰院罹難 李智漢終年僅24歲

綜合韓國媒體報道，29號深夜梨泰院發生嘅嚴重事故當中，包括曾參與選秀節目《Produce101》第2季嘅年輕藝人李智漢。曾同佢一齊節目之後成為朋友嘅朴熙石等經社交平台公佈不幸消息。

2018年參與《PD 2》嘅李智漢，當年同賴冠霖、姜丹尼爾等喺節目同台競技，事故發生導致至少154人死亡，當中亦包括外國人。

事後韓國三大電視台停播綜藝節目、而音樂節目亦都暫停播映，政府宣佈即時起至11月5日為國家哀悼期，事故發生嘅龍山區更列為特別災難地區。