中年好聲音100強入圍 主持車婉婉狂煲2百海選片又喊又笑

TVB選秀節目《中年好聲音》大受外界矚目,經過幾輪試音及面試後,喺3000幾名參賽者之中,終於選出100強入圍進行比賽,呢日其中31位參賽者率先現身拜神儀式,講到100強實力強大,各評判亦分享評選準則。

網紅「屯門娜娜」董幸兒、《愛‧回家》飾演「賈名媛」嘅邱芷微、JW朋友支嚳儀(Venus)、黑妹女兒葉穎秋、曹敏莉細妹曹敏寶(Abo)、鄺文珣老公應德榮、陳欣健女兒陳早怡、前樂隊成員周吉佩等,喺眾多參賽者中脫穎而出,各參賽者實力唔惹少,呢日出席記招,大會宣佈節目由車婉婉擔任主持,張佳添、伍仲衡、肥媽、周國豐則擔任評判。

曾志偉現身跟眾人切燒豬及參與拜神儀式,車婉婉作為呢個節目主持人,事前佢做足準備,了解參賽者們嘅故事,又偷睇海選片段,車婉婉表示:「監製將啲片畀晒我,因為阿媽有親身見到佢哋咁多個,我就未見過,我要同佢哋一路交流,一路陪佢哋行比賽嘅路,好想做好啲功課,1日煲咗2百條片,煲到又喊又笑,跟住啲歌又首首都識唱。」肥媽指當時聽到啲好多故事都忍唔住流眼淚,覺得參賽者壓力好大,讚佢哋努力追夢。

此外,評判伍仲衡覺得歌唱者嘅豐富人生閱歷,可以帶出講故事嘅味道,張佳添又指似係透過聲音浸出歷史,感覺似紅酒越釀越純越正。

 相關推薦