近期TVB推出嘅選秀節目都好高熱度，最近節目組又製作咗一個《全能司儀選拔大賽2022》，喺芸芸嘅參賽者入面甄選出十位藝人，爭奪全能司儀之名，贏出嘅仲可以成為台慶嘅大會司儀之一！

娛樂新聞台嘅王鎮泉、鞏姿希、吳紫韻、《東張西望》嘅黃耀英同梁菁琳，仲有蔡國威、黃建東、梁珈詠、黃頌明同吳天佑，將會通過連串高難度挑戰，爭奪台慶夜兩大司儀席位。

娛樂新聞台主播大展實力，「泉叔」王鎮泉被師妹鞏姿希同吳紫韻封為假想敵，而蔡國威同梁珈詠為參加比賽，落力瘦身迎戰，蔡國威受訪時指節目絕對係考急才，所以要一take過冇得NG，蔡國威稱事前冇咩可以準備，黃建東賽前更獲林盛斌(Bob)加持。

3號晚首播嘅第一集，一眾參賽司儀首集身穿華麗晚裝行紅地毯，然後各自面對幕後觀眾負評，一共收集咗50位幕後工作人員對佢哋嘅評價，當然有唔少都係負皮，參賽者睇完啲負評之後，仲要即時應付現場觀眾嘅尖銳問題，好似有觀眾問黃耀英點解會畀幕後工作人員覺得佢懶、有人問泉叔個人太正經會唔會嘗試突破、黃建東被批評係「6樓𢲷撈王」、Krystl鞏姿希自揭今年初抑鬱同驚恐症復發、另有觀眾問吳紫韻覺得自己邊方面優勝過馮盈盈。

當然除咁負評之外，有唔少洋蔥位，好似Krystl鞏姿希自揭今年初抑鬱同驚恐症復發，仲講到有諗過「點解自己仲生存緊」嘅問題，而黃頌明亦喺開工直播時受過唔少Haters言語攻擊，令佢好難過，佢大拋勵志Bite：「觀眾係殘酷，但觀眾亦都係誠實嘅。你唔可以要世界都喜歡你，但你有權做一個越嚟越好嘅人！」

黃建東 同 譚凱琪 呢日為警務資訊節目拍攝，而東東一面鬍鬚出現，原來係要扮演深入民心嘅旅遊廣告，希望大家唔會輕易誤信詐騙網站呀。拍攝前睇足幾十次廣告學足當中表現嘅東東，繼《愛美麗狂想曲》之後再同Zoie合作，更話今次唔再係當年被對方飛起嘅豬場老闆老公，非常搞笑呀。

Zoie原來近日就收到疑似外國詐騙訊息，笑言以為可以進軍荷里活嘅佢好在好快就估到係騙案，而成日喺網上同大家交流嘅東東，就叫大家要認清佢經認證嘅帳號，唔好輕易受騙呀。