早年曾獲政府頒授銀紫荊星章嘅Liza姐 汪明荃，今年度再獲頒發金紫荊星章，表揚佢對社會嘅傑出貢獻。呢日TVB就為Liza姐舉辦祝賀會，唔少高層同資深監製都有現身，向Liza姐祝賀。
兩度獲授獎章嘅Liza姐話，政府同外界嘅表揚，正正係提醒自己要繼續做得更好，因為外界會對自己有更大期望咁話。雖然係喜事，不過阿姐就話為咗即將開始嘅粵劇演出，要投入排練，所以演出完稍候時間先會同家英哥離港外遊喇。
一向幽默嘅家英哥呢日就話「太后」得獎就梗係與有榮喇，仲話太太係賓至名歸呀。家英哥又話自己同阿姐一樣忙住排練，今次仲會演出粵劇當中甚為少見嘅獨腳戲，仲要同時演出6個角色呀。
除咗Liza姐之外，執導過唔少大型電影嘅 林超賢 導演亦獲頒授銅紫荊星章，雖然早前喺大馬拍攝新片時腰同腳意外受傷，不過佢呢日都有親自出席典禮，事後又與錄音分享喜悅。
