由鄭裕玲（Do姐）、林盛斌（阿Bob）及陸浩明（6號）主持《全能司儀選拔大賽2022》，本周四及周五晚10點半翡翠台推出最後兩集，五男五女參賽者吳天佑、黃耀英、蔡國威、鞏姿希、王鎮泉、吳紫韻、梁菁琳、黃頌明、黃建東及梁珈詠，面對一連串高難度挑戰，爭奪台慶夜兩大司儀席位。

由Do姐鄭裕玲、Bob及6號主持《全能司儀選拔大賽2022》，決賽邀來鄭丹瑞（旦哥）、森美及阮兆祥擔任評判。

Bob、Do姐同6號夾埋考驗一班參賽者。
上周率先晉級五強分別有梁珈詠、王鎮泉及蔡國威，今晚嗰集將上演最後兩組對決，分別係黃建東VS梁菁琳及黃頌明VS吳紫韻，兩組分別挑戰主持訪談節目及飲食節目，殺入五強嘅參賽者，將接受更嚴峻考驗，包括與Do姐合作Live騷考執生功力、喺「搞搞震」FM （Floor Manager，即協助導演與司儀溝通嘅中間人）騷擾下，完成主持唔同類型嘅節目、以及鏡頭敏銳度大測試。

Do姐打扮高貴大方，Bob同6號都好型仔。Do姐呃晒一班參賽者對稿，其實之後佢完全唔跟稿做，認真好戲！Bob同6號一個轉身變成FM。Bob個樣會唔會兇狠咗啲呢？二人搞搞震冇幫襯，不過就成功搞咗好多氣氛嘢出嚟！

完成上述3大關卡，大會將淘汰一人五變四，並齊齊挑戰評述賽馬及足球賽事，過程緊張刺激，為隆重其事，決賽邀來鄭丹瑞（旦哥）、森美及阮兆祥擔任評判。

評判陣容有森美、鄭丹瑞同埋阮兆祥，非常強勁。

五強與殿堂級司儀代表Do姐合作Live騷，更刁鑽嘅係Do姐喺製作組要求下將「不按牌章出牌」，唔跟稿讀之餘仲會瘋狂爆肚出招，考驗五人臨場執生能力，而喺FM大挑戰關卡，Bob同6號將化身FM瘋狂搞搞震擾亂直播，要求大家時快時慢，又會亂畀指示及叫參賽者做好多無厘頭嘅嘢，加上二人肉緊非常又生鬼「演出」，相當爆笑。

Do姐同旦哥嘅唇槍舌劍，夠晒花生。
旦哥鄭丹瑞與Do姐自封《小男人周記》老夫老妻，最後兩集互動同樣花生指數十足，首先係旦哥睇完Do姐「不按牌章出牌」大考驗後，即忍唔住笑言：「我喺度諗如果係我同Do姐喺度做緊，佢喺度亂噏嘅話，我會點做呢？」Do姐即反擊：「你梗係掂啦!你都亂噏嘛！」引來全場大笑。

旦哥最難忘某年嘅港姐準決賽，有佳麗突然暈倒，佢即時衝過去救人。
旦哥主持過無數大騷，佢喺節目更大方分享難忘執生經歷：「有一年港姐準決賽，有個港姐望住我求救，原來台上有個港姐見暈，當時我講完我要講嘅嘢後就即刻衝過去，啱啱好及時趕到扶住位佳麗。所以做司儀最緊要『眼觀四方、耳聽八方』！」

蔡國威（左起）、王鎮泉、梁珈詠已率先知道會晉級五強。黃建東、梁菁琳到底邊個會贏？黃頌明、吳紫韻呢一對又邊個會贏呢？

《傳承‧狂歡55：全能司儀選拔大賽2022》周四、五晚10點半翡翠台播映

暑假好快又到喇！TVB將會推出一系列暑假節目，呢日率先舉行「Happy Summer」記者會，曾志偉、洪永城、黎諾懿、陳敏之、李思捷、肥媽、姜麗文、麥美恩、林盛斌、周吉佩、謝嘉怡、許文軒、冼靖峰、潘靜文、林秀怡、余思霆、陸浩明、林鈺洧、許子萱、梁超怡、刑慧敏、支嚳儀、曹敏寶、胡美貽、黃嘉雯等逾40藝人將會現身，屆時鄭衍峰同潘盈慧更會擔任記者會司儀，ENews將會為大家直擊現場情況！