一眾TVB藝員連日拍攝台慶序幕，以不同造型示人，為TVB生日呢個大日子做好準備，呢日熱播劇《超能使者》陳山聰、陳展鵬及劉穎鏇施展超能力，對擸起摺櫈嘅「城寨幫」嘅張振朗、郭子豪，仲有代表「斧頭幫」嘅賴慰玲，一齊現身民初街展開一場混戰，又同吉祥物TVBuddy齊齊跳舞。
近日一班《超能使者》演員引起發溫情及笑彈，陳山聰嘅「膠勇話」成功感染劇組，劉穎鏇亦笑稱自己嘅廣東話有進步，陳展鵬憶起喺《超能使者》扮雪山飛狐，當時夏日炎炎，陳展鵬拍攝差啲中暑，又要拍廠景又要拍外景，整個人覺得暈暈哋。
張振朗與賴慰玲首次拍台慶序幕，賴慰玲投訴抬起張振朗隻腳時，張振朗搵佢借力，搞到佢幾次差啲跌，之後二人互笠高帽，張振朗話希望有機會跟賴慰玲合演歌舞劇。
