張敬軒跨年個唱以side track為主 直言騷後要放假去旅行

張敬軒跨年個唱以side track為主 直言騷後要放假去旅行

張敬軒嚟緊將會舉行聖誕兼跨年演唱會,呢日佢就為演唱會拍攝宣傳海報。講到今次個唱嘅構思,軒公就話因為有好多fans都希望佢可以開個side track演唱會,為咗滿足fans嘅願望,所以今次演唱會入面會唱多啲side track嘅歌呀。

今次演唱會海報喺一個機艙景入面進行拍攝,因為疫情開係,令軒公已經有3年冇飛過,所以呢日呢個「機艙」對佢嚟講已經好陌生,不過隨住疫情緩和,軒公就話計劃喺完騷後,即刻去轉旅行休息吓呀!

張敬軒宣布今年六個巡唱地點 拆穿不法之徒以A.I生成嘅假新聞

張敬軒單係2023年,已經完成咗《The Next 20演唱會》嘅倫敦、拉斯維加斯、雷諾、紐約、悉尼、墨爾本及澳門等地巡迴演出,計埋日前圓滿結束嘅新加坡站,過去3年軒公已經完成咗74場演唱會。
張敬軒新加坡站演唱會完滿結束。
呢次新加坡站演唱會,有大批fans去到當地機場接機,而演唱會除咗有當地歌迷外,亦有嚟自加拿大、澳洲、馬來西亞同北京嘅fans嚟到朝聖。完成新加坡站巡唱後,軒公團隊計劃於本年內到多倫多、三藩市、洛杉磯、東京、吉隆坡及曼谷等地方舉行巡迴演唱會。
不法之徒以AI生成假新聞。
另外,近期網上有唔少利用A.I技術生成嘅網絡騙案,軒公亦成不法之徒利用嘅藝人之一。不法份子除咗盜用軒公嘅肖像嚟製作虛假嘅應用程式外,騙徒更利用AI deep fake嘅換面技術,製作新聞短片,稱軒公sponsor嘅應用程式令眾多市民賺取金錢,當中仲夾雜唔少軒公嘅訪問片,再次以deep fake技術 同 AI摸仿聲音軟體,生成假嘅軒公英文「訪問」。
不法之徒以AI生成假新聞。
當軒公知道自己嘅肖像被盜用兼用作騙案後表示:「片中佢話我係famous actor,而唔係famous singer,仲要AI到有啲英文少咗我嗰份圍頭話嘅鄉音,見到點會開心呢!」軒公認真呼籲fans切勿上當,仲話因為而家科技先進,所以大家要小心去求証一切資訊呀。

 相關推薦

熱門搜尋