資深演員余子明曾效力TVB超過40年，今日傳出離世噩耗，終年78歲。余子明兒子天佑今日在IG親證父親死訊：「爸，一路好走!」並貼出一張黑白照悼念。

余子明今年年初在家中跌倒，因缺血性中風入院，左邊身暫時癱瘓，要坐輪椅代步，由家人照顧起居飲食，近日余子明兒子天佑喺IG不時交代爸爸的身體狀況，余子明在11月初再度入院，兒子當時透露余子明身體明顯退步，因為濃痰太多化不開，擔心情況嚴重會併發肺炎，余子明仍可進食糊仔，但身體活動能力較差，不能用語言表達，不少網民紛紛留言替余子明打氣，最終子明叔不幸離世。

余子明兒子天佑今日在IG親證父親死訊。

余子明曾效力TVB工作超過40年，演過不少經典角色，於綜藝節目《歡樂今宵》內《單吊西與大眼雞》趣劇單元中所飾演「大眼雞」，為人所熟悉，以一口濃重的潮州口音出名，多年來演長者、潮州漢等角色都手到拿來，而《封神榜》姜子牙、《笑傲江湖》沖虛道長、《金枝慾孽》鄂公公及《溏心風暴》劉世龍等角色，令觀眾印象深刻。

余子明生於小康之家，其父在香港島干諾道西三角碼頭一帶經營類似客棧的接待生意，負責招待來自越南、泰國等地的採購客人，余子明自小喜歡唱歌，1966年參加《星島晚報》舉辦「第七屆全港業餘歌唱比賽」，唱《好姑娘》入圍國語時代曲組決賽，余子明在1960至1970年代簽過一份新加坡的歌手合約，余子明1976年至1986年加入無綫電視，1997年重返無綫電視，2020年離巢。

人有悲歡離合，月有陰晴圓缺，2022年多位演藝圈中人先行一步離開大家。2月資深導演兼演員楚原，因身體不適送院後辭世，享年87歲，遺下愛妻南紅。楚原叔一生成記非凡，執導逾120齣電影，奠定佢奇情武俠嘅個人風格。

有獨臂刀王羽，4月初喺台灣因病離世，享年80歲。獲導演張徹器重嘅王羽大哥，因拍《獨臂刀》而一炮而紅，之後佢仲涉足導演同編劇崗位，2010年復出嘅佢，以70歲之齡榮封台北電影節影帝。王羽大哥同林翠育有3名女兒，其中一位為藝人王馨平。

以染髮廣告成大眾集體回憶嘅曾江，演出過無數經典作品，又曾奪下金像獎最佳男配角。曾江叔今年4月獨遊星馬，返港隔離期間，被發現倒斃於檢疫酒店，享年87歲。

曾經兩度飾演姜子牙嘅資深演員余子明喺11月病逝，享年80歲，子明叔年初中風入院，之後身體大不如前，及後因為積痰過多入院治療，但最終不敵病魔。

今年有多位藝演藝圈貢獻良多嘅前輩與世詳辭，當中有前TVB非執董利孝和夫人、香港四大才子倪匡、著名導演羅啟銳、粵語片紅星嘉玲、資深演出祝文君、武打演員徐忠信、黄梅調歌后靜婷、著名電影人區紹熙、一代奸角沈威、資深傳媒人邵國華、資深演員兼配音導師謝月美、殿堂配音員盧雄、台灣藝人余苑綺、台灣演員巴戈、喺《哈利波特》電影系列飾演海格嘅Robbie Coltrane，佢哋都為觀眾留低唔少好嘅作品。