艾粒(ILUB)將喺2023年2月9至2月11號於九龍灣國際展貿中心 Star Hall舉行《Part2!王鳳女士XYZ銀河道士大匯演》，噚日宣佈佈3場演出門票全數售罄，相信一眾支持王鳳女士及銀河道士多年嘅粉絲已經急不及待要入場與兩位經典人物見面。
除咗兩大經典角色相信一眾令人印象深刻嘅角色亦喺Part 2登場，Part2門票承接上月演出嘅熱度全數售罄，艾粒衷心感謝每位一直喺背後支持佢哋嘅粉絲，尤其係上次演出未能成功購票、身處海外嘅「粒粒粉」，甄子康（少爺占）表示：「本來冇諗過咁快賣飛，可能會有海外fans要多啲時間準備回港嘅日子，所以同公司商量後決定早啲賣飛。」少爺占及唐劍康（當奴）更笑言今次要著泳衣謝票。
遲啲仲會喺12月黃金檔期於紅隧口放置Part2演出廣告牌，擺放至明年初，讓一眾「粒粒粉」出行時與王鳳女士及銀河道士相遇，陪伴大家一同跨年，艾粒感謝公司送贈驚喜，不過當奴希望公司能嚴選廣告照：「希望可以揀張靚啲嘅相，最多我自己夾返錢呀！」
