2020年參加港姐獲得季軍之後 郭柏姸 今年連續參與《白色強人II》，仲有《美麗傳說》同《下流上車族》兩部台慶劇，芊芊踩滑板送外賣賺錢仲令唔少觀眾印象非常深刻。靚女又乖巧，A0又係近視眼鏡娘，Rosita讀書時代又係泳隊亦係步操樂團成員，動靜皆宜嘅佢，就話拍劇要學滑板又要學綱管舞拍《雙生陌生人》，就啱晒自己坐唔定嘅性格喇。
《下流》受盡觀眾歡迎，但係要同 林敏驄 仲有 江美儀 等經驗豐富嘅演員合作，Rosita就話其實壓力一啲都唔細，仲因為佢哋經常爆肚而非常考急才，而芊芊同自己就一樣咁會孝順同仗義執言喇。
自言唔算開朗嘅Rosita，曾被傳媒同業稱為「A0學霸」，不過呢日佢就話自己完全講唔上學霸，至於感情Status就因為劇接劇完全冇更新，但係就希望未來男友孝順乖仔同爽朗，仲想同男朋友一齊做運動咁話。
跳入娛樂圈因為參加香港小姐，不過踏上選美舞台時其實緊張又尷尬，不過當中認識嘅一班朋友，就令佢認為係最大嘅得著喇。
呢日主持 詹可琳 仲準備咗幾條問題，等Rosita快問快答，一齊深入了解吓Rosita嘅真實性格啦。
